Кыргызстан 2017-жылы Евразия экономикалык бирлигинин казынасынан бергенге караганда $40,6 млн акча көп алды. Бул тууралуу Финансы министри Адылбек Касымалиев 12-февралда Жогорку Кеңештин бюджет жана каржы комитетинин жыйынында билдирди.
Анын маалыматы боюнча, 2017-жылдын жыйынтыгы менен Кыргызстан ЕАЭБдин жалпы казынасына 12,6 млрд сом берген, бул $182,8 млн долларды түзөт. Ал эми кайра 15,5 млрд сом алды, бул сумма 2,8 млрд сомго көбүрөөк. Доллар менен алганда $223,5 млн барабар.
Өкмөттөн мурда билдиргендей, 2016-жылы Кыргызстан Евразия экономиклаык бирлигинин алкагындагы бажы алымдарын бөлүштүрүүдө 17 млрд сом алмак.
