“Кара алтынды” ташыган ири компаниялардын бири «Газпром Нефть Азия».
2017-жылдын 6 айынын жыйынтыгы боюнча бюджетке акча төккөндөрдүн арасынан «Газпром Нефть Азия» компаниясы лидер болуп келет. Бул убакыт аралыгында компания бюджетке 1,2 млрд сом төккөн.
«Газпром нефть Азия» компаниясы Кыргызстандын рыногунда 2006-жылдан тарта иштеп келет. Компаниянын башкаруусунда 3 нефтебаза, 38 май куюучу комплекс, 1 суюлтулган газ базасы, 108 даана автопарк, 2 лаборатория жана 1 көчмө лаборатория бар.
Экинчи орунда «Альфа Ойл» компаниясы турат. Ал бюджетке772 млн 280 миң 81,11 сом төккөн. Компаниянын балансында 27 АЗС бар.
Үчүнчү оюнчу – бул «Шнос». Аталган компания бюджетке 249 млн 217миң 474,70 сом төккөн. «ШНОС» Кыргызстанда өз ишин 1998-жылы баштаган. Учурда жалпы 48 АЗСи бар.
«Партнер-Нефть» ЖЧКсы болсо бюджетке 137 млн 946 миң 541,35 сом төгүп 5-орунда. Компания рынокко 2016-жылдын август айында кирген жана учурда 74 май куюучу жайы жана 5 нефтебазасы бар.
Негизги кардарлар Бишкектегидей сезилгени менен АЗСтердин көпчүлүк “точкалары” түштүктүн чек ара аймактарында жайгашкан, ал жакта аткезчилик гүлдөп, май саткан чакан жайлар салык төлөшкөнү тууралуу маалымат жок.
Рейтинг Мамэкотехинспекциянын, Юстиция министрлигинин, Салык кызматынын жана Финансы министрлигинин алдындагы «Ачык бюджет» порталынын маалыматтары боюнча түзүлдү.
