Кыргызстандын 16 шаарындагы калкты ичүүчү суу менен камсыз кылуу максатында 135,6 млн евро өлчөмүндө инвестиция тартылды. Бул тууралуу 25-январда парламент жыйынында вице-премьер министр Дайыр Кенекеев билдирди.
Анын айтуусунда, таза суу маселесин чечүүдө эл аралык уюмдардын инвестицияларынан тышкары, мамлекеттик бюджеттен да каражат каралат.
2017-жылы бул багытта 250 млн сом бөлүнгөн. 2018-жылы да бул суммадан аз эмес каражат жумшалат.
Өлкөдө 1813 айыл болсо андан 631 айыл таза сууга муктаж.
