КРнын Финансы министрлигинин Борбордук казыналыгына Европа Биримдигинин “Шайлоо системасын реформалоо аркылуу демократияны бекемдөө – тармакты реформалоого грант” деп аталган программасы боюнча 2,5 млн евро келип түштү.
Гранттык каражаттар Кыргыз Республикасынын демократиялык системасын бекемдөөгө, таза шайлоону камсыз кылууга жана өлкөдө шайлоолорду өткөрүүнү даярдоого багытталмакчы.
КРнын Финансы министрлигинде белгиленгендей, программаны ишке ашыруунун жүрүшүндө жарандардын ишенимин арттыруу; маалыматтык кампаниялар; шайлоочулардын тизмесин башкаруу жана коопсуздук эрежелерин сактоо сыяктуу иштер ишке ашырылмакчы.
