2018-жылдын январында республикалык бюджеттин ведомстволук классификация боюнча кассалык аткарылышы 6 млрд. 711 млн. 771,7 миң сомду түздү.
Көрсөтүлгөн суммадан бюджеттик мекемелерде иштегендердин эмгек акысына 702 млн. 674,4 миң сом, калкка социалдык жардам боюнча жөлөкпулдарды төлөөгө 620 млн. 371,5 миң сом бөлүндү.
«Имараттар жана курулмалар» беренеси боюнча чыгымдар 35 млн. 960,6 миң сомду түздү. Мамлекеттик (тышкы жана ички) карызды тейлөөгө 1 млрд. 480 млн. 529,7 миң сом жумшалды. Калган каражаттар чыгашалардын башка корголгон жана корголбогон беренелери боюнча сарпталды.
