Экономика министрлиги билдиргендей, “Кант кызылчасын кайра иштетүүчү жана спирт чыгаруучу Бакай-Ата ишканасы” Мамлекеттик ишканасы аукционго коюлду.
Имараттын башталгыч баасы 17 млн 460 миң11 сом.
Өткөн жылы жайында ишкана 26 млн 190 миң 16 сомго өтпөй калган.
Эми баасы төмөндөтүлдү жана 13,5 чарчы метр жерди ээлеген заводду жана жабдууларды былтыркыдан арзан баага алса болот.
Былтыртан бери Чүй облусунда 2 кант заводун куруу маселеси көтөрүлүп келет. Инвесторлор ойлонушу керек – Кыргызстанда кант кызылчасы көп болгонун эске алганда, Казакстандын чек арасында жайгашкан кайра иштетүүчү заводдун болуусу өтө ыңгайлуу.
Бирок бул жерде ойлонуу керек. Мисалы, Талас облусунда 70% жер төө буурчак айдоо үчүн колдонулат.
“Бакай-Ата ишканасы” карыз жана мүлктүк комплексти сактап калуу үчүн Экономика министрлиги ушул кадамга барууда.
Аукцион 2017-жылдын 3-февралында болот.
Завод сатылып алынып, андан ары иштеп кала турган болсо, анда облуста жүздөгөн жумушчу орундар түзүлмөк.
