Чоң акчалар. Ажылык 2018: Ажылык сапарга баруучуларды каттоо болжол менен 35 миң сомду түзөт

–2018-жылы ажыга каттоо тартиби бир гана биометрикалык паспорттун негизинде жүргүзүлөт.

- Ажылык наркынын ичинен (калькуляцияда көрсөтүлгөн алдын ала 35 миң сом төлөгөндүгү тууралуу квитациянын түп нускасы.

- Ажыга катталуу үчүн кайтарымсыз төлөм болгон 1000 сомдун квитациясынын түп нускасы.

–Ажыга баруучунун жашаган жериндеги каттоосу 2017-жылдын 20-августунан бери болбошу шарт.
–Жалпы жарандык паспорту. Биометрикалык паспорт менен жалпы жарандык паспорт бир баракка көчүрүлүүсү зарыл. Жалпы жарандык паспортунун жарамдуулук мөөнөтү 2019-жылдын 20-февралына чейин бүтсө жараксыз.

–Аял киши үчүн махрамдын (жакын туугандарынын бири) болуусу шарт. Күйөөсү менен барса нике күбөлүгү, ал эми махрамы менен барса туулгандыгы тууралуу күбөлүк талап кылынат. 1973-жылы май айында төрөлсө метирке же нике күбөлүгүнүн көчүрмөсү талап кылынат. Ал эми июнь айында төрөлсө документ түп нускасы талап кылынат.

–3х4 көлөмүндөгү 4 даана сүрөт. Сүрөт түстүү, ак фондо, жылтырабаган кагазда болуусу шарт. (Аялдар үчүн сүрөткө ак жана кара жоолук, ал эми эркектер ак көйнөк жана ак баш кийим менен түшкөнгө болбойт, фотошоп программасы менен оңдолуп-түзөлгөн сүрөттөр жараксыз деп таанылат).
-№086 формасындагы медициналык аныктама.

- Келишимге кол коюу жана ажылык серверге киргизүү. (ID-карт паспортунда көрсөтүлгөн колу гана жарактуу).

- Ажылык визасын алуу үчүн анкетага кол коюу. (Жалпы жарандык паспортунда көрсөтүлгөн колу гана жарактуу).

- Ажыга баруучунун кийиминин өлчөмүн жана байланыш телефонунун номерин каттап жаткан операторго берүүсү талап кылынат.

–Ажылыкка баруучу жаран 18 жаштан жаш болбошу шарт (2018-жылы 18 жашка толуучу жарандар ажыга барууга укуктуу).
Ал эми ажылык сапарга барчуларды былтыркыдай эле Сауд авиакомпаниясы ташыйт.