ЖКнын экономикалык жана фискалдык саясат боюнча комитетинде министр Арзыбек Кожошев аймактарды өнүктүрүү үчүн 70 млн евро грант алынганы жатканын билдирди.
Бул “Кыргыз Республикасындагы айыл аймактарын өнүктүрүү комплекстүү программасынын” алкагында жүргүзүлүүдө. Парламент депутаттары чечим кабыл алышып Кыргызстан өкмөтү менен Европалык Биримдик ортосундагы каржылык келишими талкууланды.
Экономика министринин айтымында, макулдук алган соң грант тууралуу документ ратификацияга жөнөтүлөт. Жалпы сумманын 10 миллион евросу Жалал-Абад аймагын өнүктүрүүгө жумшалат.
ЖКнын депутаты Айсулуу мамашова белгилегендей, гранттар жана аймактарга болүнгөн акчалар тууралуу карапайым калк билбейт жана каражаттын бөлүштүрүлүшүн текшерип, жарандарга бул тууралуу маалымат берүү керек. Көпчүлүк гранттык акчалар аткаминерлердин чөнтөгүндө калууда.
Акылбек Жапаров акчалар жок болуп кеткиче 70 млн евронун баарын Жалал-Абад облусун өнүктүрүүгө жумшоону сунуштады.
Комитетте бул маселе бир топко чейин талкууланып, депутаттар долбоорду колдоо чечимин кабыл алышты. Эми бир нече ай ичинде Жалал-Абад облусу каражат алып, айыл-чарбасын өнүктүрө алат.
Ширин Жумадилова
