Бүгүн адамдык фактор маселеси курч турууда. Төлөө пунктунда акчаны адамдар алгандыктан алынган каражаттарын баары эле бюджетке түшө бербейт. Бул жерде да өз киши деген түшүнүк жашайт. Ошондуктан күнүнө бул жерден канча унаа өтөрү, алардын канчасы тиешелүү акчаны төлөрү белгисиз.
“Бул долбоордун долбоордук-сметалык документин иштеп чыгуу үчүн жеңүүчү белгилүү болду. Долбоордук-сметалык документтер даяр болгондо жабдууларды сатып алууга тендер өткөрүлөт. Жабдууну, программалык камсыздоону жана автоматтык системаны киргизүү үчүн болжол менен 20 млн сом керек. Так суммасы документтер даяр болгондо билинет”,-деп жазылат маалыматта.
“Учурда тоннелдерди тейлөө жана унаалардан каражат чогултуу үчүн 153 адам иштейт. Долбоор ишке кирсе Сосновка жана Кара-Көл пункттарында иштегендердин саны азаят. Кассалык аппараттарды жана жабдууларды тейлеген гана кызматкерлер калат”,-деп билдиришти Транспорт министрлигинен.
Биз бул тура чечим деп ойлойбуз. Жолду камсыз кылуу үчүн кассирлер эмес тажрыйбалуу техникалык персонал керек.
