Райондо «Адал-Азык» ишканасы тарабынан 40 млн. сомго түрк жабдуулары менен кичи эт комбинаты курулуп ишке берилди. Болжол менен суткасына 30 баш бодо мал соё алат. Мындан тышкары кыргыз-кытай “Кипарис” ЖЧК тарабынан бут кийим жасоочу ишканасы ачылуунун алдында турат. Натыйжада 100гө жакын адамга иш орундары түзүлөт. Инвестициянын көлөмү 1,5 млн АКШ долларын түзөт.
Кочкор районунун аймагында 15тен ашуун пескоблок, брусчатка чыгарган кичи цехтер иш алып барат жана 8 пластик терезе, каалга жасоочу цехтер бар. Ошондой эле Кочкор айылындагы Сасыкулов Искен деген ишкердин кирпич заводу суткасына 150 000 кирпич чыгарат. Көрүнүктүү ишканаларыбыздын катарына ишкер Төлөнов Болоттун сүттү кайра иштетүүчү цехин кошууга болот. Аталган цех учурда 3 айыл өкмөтүнүн өндүргөн сүтүн базар баасында сатып алуу менен чыгарган продукциясын Ысык-Көл облусуна жана Казакстан Республикасына сатыкка чыгарып, учурда дагы жаңы жабдууларды алуу астында турат.
Дыйкандардын 80% картошка өндүрөт
Жол инфраструктурасын жакшыртуу үчүн райондун борборундагы көчөлөрдүн 3,0 чакырымы асфальтталат. Айылдар аралык жолдордон Кочкор-Коммунизм жолунун 10,5 чакырым, Чолпон-Молдо Кылыч айылдарынын ортосундагы жолдун 2 чакырым асфальтталып, райондун борбору менен алыс жайгашкан айылдардын каттоосу жакшырат.
Алдыда аткарыла турган пландар:
Ирригациялык системаларды оңдоп, түзөө менен 8 насостук станциялардын натыйжалуу иштешин камсыздайбыз. Чолпон айылында токтоп турган скважиналарды ишке киргизүүнүн үстүнөн иш жүргүзүүнү колго алабыз.
