2017-жылдын 3 айында айыл чарба продукциялары боюнча 2669 тонна эт, 12520 тонна сүт, 555 миң даана жумуртка өндүрүлүп, былтыркы жылдын 3 айына салыштырмалуу эттин өсүү темпи 100,2 пайызды, сүттүкү-101,0 пайызды, жумуртканыкы-101,0 пайызды түзүп, баардык түрлөрдөн өсүү камсыздалды.
Чекене соода жүгүртүүнүн көлөмү 119 млн. 909,9 миң сомду түзүп, өсүү темпи 110,7 пайыз болду, же өткөн жылдын ушул мезгилине салыштырмалуу 11 млн. 608,9 сомго арбын, 74 млн. 796,0 миң сомго калкка акы төлөө кызматы көрсөтүлүп, өсүү темпи 103,3 пайызга барабар болду, же өткөн жылдын ушул мезгилине салыштырмалуу 2 млн. 417,9 миң сомго көп.
“Кумтөр” ЖАК тарабынан Жети-Өгүз районуна 100000 млн сом каражат бөлүнөт
Башка райондорго салыштырмалуу жер аянты жана калкынын саны көп. Ошондой эле 12 айыл өкмөтү дотациядан чыккан. Мындан тышкары “Кумтөр” ЖАК тарабынан Ысык-Көл облусуна бөлүнүүчү 1% акча каражатынан Жети-өгүз районуна 100000 млн сомдун тегерегинде акча каражат бөлүнөт.
Жумуш менен камсыздоо
Акы төлөнүүчү коомдук иштерге 55 адам жиберилди, бул 2016-жылдын ушул мезгилине салыштырганда 18 адамга аз.
Үстүбүздөгү жылда эмгек рыногунда талап кылынган кесиптер боюнча кайра окутууга адамдар жиберилген жок, себеби кесиптик окуу жайлар тендерден өз убагында өтпөй калган. 2017-жылдын 3 айдын ичинде Ысык-Көл облустук калкты ишке орноштурууга көмөктөшүү бөлүмүнүн алдында түзүлгөн “Эмгек” кредиттик агенствосу тарабынан 3 жумушсуз адамдарга 20,0 миң сом өлчөмүндө майда чакан насыя берилген. Жумушка орношкондор 132 адамды түздү, бул былтыркы жылга салыштырганда 8 адамга көп. Жумушка орношкондор айыл чарба, калкты тейлөө тармактарында эмгектенүүшүдө.
Жети-Өгүз районунун климаттык шартты мөмө-жемиш өстүрүүгө туура келет
Жети-өгүз районунун климаттык шарты мөмө-жемиш бактарын өстүрүүгө туура келгендиктен көбүнчө мөмө-жемиштери (абрикос, алма, алмурут) көп өндүрүлүп, тышкы рынокко Россия, Казыкстанга экспорттолот. Мындан тышкары статистикалык маалыматтарга ылайык, эт, сүт, жүн продукциялары Ысык-Көл облустунун башка райондоруна салыштырмалуу көбүрөөк өндүрүлөт.
Алдыда аткарыла турган пландар:
-
- Райондун бор Жети-Өгүз айыл аймагындагы спорт комплексти ишке берүү;
- бору болгон Кызыл-Суу айыл өкмөтүнүнү борбордук Манас көчөсүн асфальтоо;
- Пайдаланылбай бош калган жер аянтынын көлөмүн азайтуу (тамчылатып сугаруу системасын жайылтуу);
- Жеңиш айылындагы Б.Үкүев атындагы орто мектебинин чатырын алмаштыруу, сырткы фасадын жасоо;
- Барскоон айылындагы Таза суу долбоорун ишке ашыруу;
- Барскоон айылындагы Таштандыны кайра иштетүүчү кичи завод ачуу;
- Даркан айылына 100 орунду бала-бакчанын жаңы имараттын куруу;
- Кызыл-Суу айылынын борбордук соода аянтындагы муниципалдык соода борборунун курулушун улантуу;
- «Бал-Шире» муниципалдык ишканасынын базасына соода- логистикалык борбор куруу;
- Оргочор айыл өкмөтүнө “Экопродукт-Азия” ОсОО демилгеси менен соода-логистикалык борборун түзүү пландары турат.
