–Манас районунда калктын саны жана жашоо шарты кандай?
–Манас районунда калктын саны – 32 миң 743 киши.
–2017-жылдын башынан бери Манас районунда экономиканы көтөрүү багытында кандай иштер аткарылды?
–Дыйкандарды сугат суу менен камсыздоо максатында каналдарды оңдоп түзөө иштери жүргүзүлүп, 100% аткарылган.
Чоң-Капка айылына ФАП Араб өлкөсү аркылуу 1,3 млн сомго курулуп, ишке берилди. Ошондой эле Кеңеш айылында Үч-Коргон айыл өкмөтү аркылуу жемиштерди кургатуучу кичи цех ачылды. Мындан тышкары жеке ишкерлер тарабынан дүкөндөр жана калкка кызмат көрсөтүүчү кичи ишканалар ачылып, иштеп жатышат.
–Кандайдыр бир кичи ишканалар барбы? Болсо эмне иштетип чыгарышат?
- Покровка айыл аймагында ЖЧК “Гортис” – кирпич чыгаруучу завод;
- Үч-Коргон айыл аймагында кесек кум чыгаруучу завод (гравзавод);
Мындан тышкары пескоблок чыгаруучу, брусчатка чыгаруучу жана жыгач кесүүчү кичи цехтер (пилорамалар) бар.
–Талас облусундагы 4 район ичинен кандай өзгөчөлүккө ээ?
–Манас районунун элинин социалдык абалы, жетишкендиктери менен кемчиликтери?
–Райондун социалдык абалы боюнча айтыла турган болсо, район боюнча 5 айыл өкмөтүнө караштуу 21 мектеп жана 1 лицей бар. Мектептен тышкары билим, тарбия берүүчү борбору жана өспүрүмдөрдүн спорт мектеби камтылган. Мектептерде окуучулардын билим, тарбия алуусуна толук шарттар түзүлгөн.
Райондун элин жумуш менен камсыздоо боюнча 2017-жылдын 1-июлуна карата жалпы 503 адам жумушсуз болуп катталган. Анын ичинен учурда 126 адам жумуш менен камсыздалды.
- Айыл чарба тармагында көбүнчө эмне өстүрүшөт?
–Айыл чарба тармагында кылкандуу дан эгиндери, төө буурчак, көп жылдык чөптөрдү, болгар калемпирин, помидор, жер-жемиштерди көп өстүрүшөт.
