Президент Сооронбай Жээнбеков «Мамлекеттик пенсиялык социалдык камсыздандыруу жɵнүндɵ» мыйзам ɵзгɵртүүлөрдү киргизүү тууралуу жарлыкка кол койду. Бул тууралуу бүгүн, 2-майда президенттин маалымат кызматы кабарлады.
Маалыматка ылайык, Эмгек китепчеси жекече эсепке алуу киргизилгенге чейин камсыздандыруу иш стажын тастыктоочу негизги документ болуп эсептелет.
Ошондой эле так эмес жазуулар байкалган учурда жумуш берүүчүлөрдөн жана компетенттүү органдардан тактоо маалыматтарды суратып алуу Социалдык фонд жана анын аймактык органдарына жүктөлөт.
Аталган мыйзамга ылайык, жарандар пенсия курагына жеткенге чейин 6 ай мурда Социалдык фонддун аймактык органдарынын кароосуна курагы боюнча, анын ичинде жеңилдетилген шарттарда пенсия дайындоо үчүн зарыл болгон документтерди берүүгө тийиш.
Мыйзам 2019-жылдын 1-январынан тартып күчүнө кирет.
