Казакстанга иш издеп кетип жаткан мигранттарга жакшы жаңылык.
Казакстандын түштүгүндө жогорку кубаттуулуктагы трансформаторлорду чыгаруучу завод куруу пландалууда.
Казакстандын банктарынын бири Шымкентте 110 жана 220 кВ кубаттуулуктагы күчтүү трансформаторлорду чыгаруучу заводдун курулушуна каражат бөлдү.
Долбоордун баасы 540 млн доллардан ашуун.
Жаңы заводдун курулушу аталган өнүмдүн казак рыногундагы суроо талаптарын канааттандырмакчы. Учурда иштеп жаткан Кентау трансформатор заводу Казакстанды суроо-талаптарын жарым жартылай эле камсыз кылат.
Бул биздин куруучулар үчүн жакшы кабар, алар заводду куруу үчүн жүргүзүлгөн тендерге катышышса болот. Мындан тышкары, завод ишке кирсе жумушчулар дагы талап кылынат.
Долбоор ишке ашса 110 кВ кубаттуулуктагы трансформаторлорго болгон талаптын 70%ы жана кубаттуулугу 220 кВ болгон трансформаторлорго болгон талаптын 50%ын камсыз кылат.
Заводду куруу иштери 2018-жылдын 3-кварталында аяктары күтүлүүдө. Ал Кентау трансформатор заводуна жакын жерде Шымкенттеги «Тассай» индустриалык аймагында курулат. Долбоор ишке ашса 220 жумушчу орун түзүлөт. 2022-жылга чейин компания толугу менен ишке киришмекчи, завод жылына 100 даана трансформатор чыгарууну пландоодо.
Долбоорго ылайык, программалык камсыздоо автоматтык системаны киргизүүгө ылайыкталган.
