Шанхай кызматташтык уюмуна мүчө мамлекеттердин президенттеринин кеңири курамдагы отурумунда сөз сүйлөгөн Кытай лидери Си Цзиньпин, ШКУнун алкагында инвестициялык долбоорлорго 4,7 миллиард доллар бөлүнөөрүн билдирди.
Анын айтымында, беш күндөн кийин ШКУнун 17 жылдыгы белгиленет. Бул жылдар аралыгында ШКУ биргелешкен күч менен көп ийгиликтерди багындырды.
“Мындан ары да биримдикти чыңдоо жана ишенимди арттыруу керек. ШКУга мүчө мамлекеттер бардык документтердин ишке ашуусун камсыздап, Циндао Декларациясын, Достук жана кызматташтык боюнча келишимдердин пландарынын ишке ашуусун шартташы зарыл. Мүчө мамлекеттердин тандап алган өнүгүү жолдорун сыйлап, башкы көйгөй жана кызыкчылыктарды эске алуу шарт”,— деди Си Цзиньпин.
