ШКУга мүчө мамлекеттердин өкмөт башчылары октябрь айында Тажикстандын Дүйшөмбү шаарында саммитке чогулушат. Бул тууралуу аталган уюмдун башкы катчысы Рашид Алимов маалымат жыйынында билдиргенин РИА Новости жазды.
Белгилей кетсек, ШКУ өкмөт башчыларынын саммитине быйыл Тажикстан төрагалык кылат. Жыйындын так датасы кийинчерээк дагы такталат.
Саммиттке чейин жакынкы үч айда бир катар отурумдар өткөрүлүп, анын жыйынтыктары саммитте жарыяланат. Мындан тышкары, документтердин топтомдору даярдалууда. Самиттин жыйынтыгында ШКУ мамлекеттери арасындагы бажы жана соода тармагы боюнча маселелерди чечүүгө багыт ачылары күтүлүүдө.
