Визалар Евробиримдикке кирбеген өлкөлөрдүн ишкерлерине берилмекчи. Бул жерде ишкерлер өз бизнесин ачып жана аны балтия өлкөсүнө көчүрүп бара алышат. Бул программа өзгөчө тармактык адистер үчүн виза алуу ишин жеңилдетет.
Эстониянын тышкы иштер министрлиги бул программаны ишке киргизди. Ал учурда Европада бар болгон башка программалардан айырмаланып турат. Ишкерлер үчүн жеңилдетилген шарттар сунушталат, адистер дагы маянасы жакшы төлөнгөн жумуш табуу мүмкүнчүлүгүнө ээ болушат.
Программага катышуу үчүн арыз толтуруу керек. Ал боюнча Эстониядагы атайын старт-ап комиссия тандоо жүргүзөт. Эгерде сиздин долбоор жакса, анда сиз виза алып Эстонияда бизнес баштоо мүмкүнчүлүгүнө ээ болосуз. Эгерде сиз узак мөөнөттүү виза алсаңыз анда Евробиримдик боюнча эркин жүрө аласыз.
Эстониянын атайын акселаторлорунда (интернетте) катталгандар арызын комиссиясыз эле беришсе болот.
Эстониянын бийлиги жаңы программа чет элдик адистерди тартууга көмөкчү болот деген ойдо.
Балким ушундай жол менен адистерди жана ишкерлерди тартуу аркылуу Эстония экономикалык маселелерин чечип алат.
Учурда электрондук жарандык берүү боюнча маалыматтар көп боло баштады. Келечекте электрондук виртуалдык мамлекеттер кадимки көрүнүш болуп калат.
Мисалы, Кыргызстанда 2011-жылы түзүлгөн интернет парламент ийгиликтүү пикир алмашуучу айдың болуп саналат жана өлкө ичинде болуп жаткан көрүнүштөргө таасир берип келет.
