Бул тууралуу 2017-жылдын 17-майында өткөн пресс-конференцияда Мамлекеттик салык кызматынын төрагасынын орун басарлары Кубанычбек Кумашов жана Искендер Асылкулов билдиришти.
Жарандар товарларды жана кызмат көрсөтүүлөрдү сатып алууда алынган чектердин аныктыгын эки жол: МСКнын сайты же смартфон аркылуу текшере алышат.
www.kkm.gov.kg сайты аркылуу. Ал үчүн атайын түзүлгөн уячага контролдук кассалык машинанын катталган номерин, чектин номерин жана чекте көрсөтүлгөн суммасын терүү зарыл. Ошол эле сайттан орнотулганы ККМ (модернизацияланганын) санын, азыркы учурда канча чек жана канча суммада басылгандыгы туурасында да билүүгө болот (маалымат ар бир 10 секунд сайын жаңыланып турат).
Смартфон аркылуу. Смартфондогу Play Market же App store «QR Scanner» аркылуу “Штрих-коддордун сканери” мобилдик тиркемени көчүрүү зарыл.
Өзүңүздүн смартфонуңуздан мобилдик тиркемени ачып, QR-код картинкасына камеранын объективин алып баруу керек (код ККМ-онлайнда урулган ар бир чекте берилген).
Ошол эле учурда, чекте урулган маалыматтар МСКнын маалыматтар базасында дароо эле чыкпастан, ишкердин интернетинин иштегенине жараша бир нече убакытта пайда болоорун белгилей кетмекчибиз.
Бул порталда маалыматтар туура эмес же чек жок болгон учурда, Салык кызматынын 194 номуру аркылуу бул факт боюнча билдирүүгө болот.
Активдүү жарандардын жардамы менен ак ниетсиз ишкерлерди табуу боюнча кампания алда канча натыйжалуу болмокчу жана салык кызматынын кызматкерлери декларацияда көрсөтүлгөн маалыматтардын бир канча көлөмүн талдоосуна мүмкүнчүлүк түзүлмөкчү.
Кыргызстанда онлайн режиминде маалыматтарды өткөрүү функциясы бар контролдук-кассалык машиналарды колдонуунун жаңы механизмин киргизүү этаптарын ишке ашыруунун жүрүшүндө бүгүнкү күндө 5 214 ККМ онлайн (модернизацияланган) орнотулган.
Онлайн-режиминдеги контролдук-кассалык машиналарды фискалдаштыруу Кыргыз Республикасынын Өкмөтүнүн 2016-жылдын 15-июнундагы №324 “Онлайн режиминде маалыматтарды өткөрүү функциясы бар контролдук-кассалык машиналарды колдонуу механизмин киргизүү чаралары жөнүндө” токтомуна ылайык жүргүзүлүүдө жана графикке ылайык 4 этапта жайылтылмакчы.
Бул документке ылайык, ишинин өзгөчөлүгүнө же жайгашкан жеринин шарттарына байланыштуу контролдук-кассалык машиналарды колдонбостон калк менен акчалай эсептешүүлөрдү жүргүзө алышкан субъекттерден башка, КР аймагында экономикалык иш жүргүзгөн субъекттер калк менен эсептешүүлөрдү найкталай акча каражаты, төлөм банк карточкалары жана чектер аркылуу жүргүзгөндө фискалдаштырылган ККМди колдонууга милдеттүү.
Эскерте кетсек, ККМдин биринчи этабына унааларга май куюучу станцияларда күйүүчү–майлоочу майларды саткандар камтылат, бул процесске Бишкек жана Ош шаарларында, ошондой эле башка региондордо ишкердик кылган субъекттер кирет. Бишкек жана Ош шаарларында 150 чарчы метрден көбүрөөк аянты бар ооруканалардагы жана медициналык лабораториялардагы кызмат көрсөтүүлөр, отуруучу орундун саны 200дөн көп жана/же 300 чарчы метрден ашык аянты менен коомдук тамактануу жайларындагы кызмат көрсөтүүлөр, акча алмаштыруу бюролору ж.б. кирет. Фискалдаштыруунун бул этабында Бишкек жана Ош шаарларында иш жүргүзгөн субъекттер гана киргизилди.
Фискалдаштыруу соода операцияларын жүргүзүү жана калкка кызмат көрсөтүү учурунда калк менен эсептешүүлөргө байланышкан маалыматты ыкчам түрдө бере ала турган, милдеттүү түрдө колдонулуучу атайын кассалык аппаратты билдирет.
Технологиясы, телекоммуникациялык байланыштар аркылуу ККМ менен онлайн режиминде маалыматтарды берип турууга негизделген. Маалыматтарды онлайн режиминде берүү МСКнын маалыматтарды иштеп чыгуу борборунда ишке ашырылат. ККМден ар бир чек үчүн алынган маалыматтарды Борбор иштеп чыгат жана МСКнын маалыматтык базасына өткөрүп берет.
ККМди колдонуунун жаңы механизмин жайылтуу үчүн Мамлекеттик салык кызматы тарабынан “ККМ-онлайн” Автоматташтырылган маалыматтык системасы (АМС) иштелип чыккан. Бул система каттоо, кайра каттоо жана ККМди эсептен чыгаруу үчүн каралган жана, маалыматты киргизүү/чыгаруунун бир канча формаларын карайт (“Инспектор”, “БТТ”, “Салык төлөөчү”). Мындан тышкары, отчеттук маалыматтарды түзүп, ар бир ККМдин иштөөсүнө көз салып турууга мүмкүндүк берет.
Онлайн режиминде маалыматтарды өткөрүү технологиясына ылайык, онлайн-ККМ аркылуу төлөм жүргүзүлгөндүгү тууралуу маалымат Фискалдык маалыматтарды ыкчам режиминде иштеп чыгуу борборуна жиберилет. Бул учурда сатып алуучуга маалыматтарды МСКнын серверине берүү жөнүндө фискалдык белгиси бар чек берилет. Эсептер жөнүндө топтолгон маалыматтарга байланышкан көйгөйлөр жаралган учурда байланыш калыбына келтирилгенден кийин дароо берилет.
ККМди колдонуу, каттоо жана пломбалоо тартибине ылайык, ККМди каттоодо, кайра каттоодо жана аны эсептен чыгарууда салык төлөөчүнүн салык органына баруусунун зарылчылыгы жок.
Онлайн ККМди колдонгон ар бир субъект ККМ техникалык тейлөө борбору (ТТБ) менен келишим түзүүгө милдетүү.
Бүгүнкү күндө Салык кызматы Өз ара аракеттешүү жөнүндө тийиштүү меморандум түзгөн, онлайн-ККМди орнотууга (модернизациялоого) жана субъекттерди тейлөөгө укугу бар республика боюнча 11 ТТБ бар («Мастер ИТ”, «Меркурий-сервис», «Прибороремонт», «Технический центр ККМ», «Торговые технологии», «Урматтуу Инжиниринг Сервис», «Бишкек техникалык тейлөө борбору», «Шабдан Сервис», «Мастер», «Уста ТЦ», «Виртум” ЖЧК).
Эгерде, ушул сыяктуу фактылар кездешсе, ишкерлерге МСКнын 194 номуру аркылуу кайрылса болот.
