2018-жылдын январь-февраль айларында экономикалык классификация боюнча республикалык бюджеттин чыгашасынын кассалык аткарылышы 17,3 млрд сомду түзөт. Анын ичинен корголгон беренелер боюнча – 13,1 млрд сом, корголбогон беренелер – 1,5 млрд сом, финансылык эмес активдерди сатып алуу – 617,9 млн сом, финансылык активдерди сатып алуу – 200 млн сом, милдеттенмелерди аткаруу – 1 млрд 878,9 млн сом. Кассалык чыгым кассалык планга салыштырмалуу 87%га аткарылганы тууралуу Каржы министрлигинин расмий сайтына жарыяланган.
Маалымат үчүн:
Чыгашалардын экономикалык классификациясы мамлекеттик башкаруу секторунда жүзөгө ашырылуучу операциялардын экономикалык мазмунуна жараша бюджеттер чыгашаларынын топтому болуп саналат. Бул чыгашаларга төмөнкүлөр кирет: кызматкерлердин эмгек акысы, товарларды жана кызмат көрсөтүүлөрдү пайдалануу, пайыздар, субсидиялар, гранттар, социалдык жөлөкпулдар, төлөмдөр жана башка чыгымдар.
