Кыргызстанда мамлекеттик бюджеттин 70 пайызын Бишкек шаары, 10 пайызын Чүй облусу толтурат. Эки аймак кошулганда 80 пайызды түзөт. Калган региондордун бюджетке кошкон салымы 20 пайыздан ашпайт.
Бул тууралуу «Ала-Арча» мамлекеттик резиденциясында аймактарды өнүктүрүү талкууланган жыйында президенттин кеңешчиси Муратбек Шайымкулов билдирди.
Ал Бишкек шаары менен Чүй облусунда түз инвестиция тартуу жогорку көрсөткүчтө экенин, акыркы жылдары Ысык-Көл жана Жалал-Абад облусу дагы инвестиция тартууда алгылыктуу иштерди жүргүзүп жатканын белгиледи.
Бүгүн региондорду өнүктүрүү боюнча жыйында Сооронбай Жээнбеков ал президенттик ишине киришкенде коррупция менен күрөшүү боюнча кандай убада берсе, айылдарды өнүктүрүүнү дагы ошол убадай эле ишке ашырууну колго алаарын айтты.
