Президент Сооронбай Жээнбеков бүгүн, 6-июнда мамлекеттик визит менен Кытай Эл Республикасына барды.
Аэропортто ардактуу кароолдун ротасы тизилип, эки өлкөнүн желектери илинген.
Мамлекеттик визиттин алкагында Жээнбеков Кытайдын төрагасы Си Цзиньпин, Мамлекеттик кеңешинин премьери Ли Кэцян жана Эл өкүлдөрүнүн бүткүл кытайлык жыйынынын туруктуу комитетинин төрагасы Ли Чжаньшу менен жолугушат.
Ошондой эле, бир катар эки тараптуу документтерге кол коюлары күтүлүүдө. Анын ичинде ар тараптуу стратегиялык өнөктөштүктү орнотуу жөнүндө Кыргызстан менен Кытайдын ортосундагы биргелешкен декларация бар.
