Президент Сооронбай Жээнбеков Кытайга болгон расмий сапарынын алкагында Кыргызстанда бирдиктүү электромобил заводун ачууну сунуштады.
«Биздин өлкө Кытай электромобилин өндүрүүчү жана ЕАЭБ, Борбор Азия өлкөлөрүнө экспорттоочу майдан боло алат. Бул сиздин «Бир кур, бир жол» демилгеңиздин алкагында ишке ашуусу мүмкүн болгон багыттардан экенине ишенем”,— деди Жээнбеков.
Белгилей кетсек, президенттин мамлекеттик сапары үч күнгө созулат. Буга чейин Кытай Эл Республикасынын Төрагасы Си Цзиньпин менен жолугуп, тараптар 10 документке кол коюшту. Алдыда премьер министр Ли Кэцян жана Эл өкүлдөрүнүн бүткүл кытайлык жыйынынын туруктуу комитетинин Төрагасы Ли Чжаньшу менен жолугушат.
