Биздин редакция өзгөчө пикири бар адамдарды конокко чакырууну туура көрдү. Балким, бул адамдардын ойлору айрымдарга жакпайт чыгар, бирок кандай болгон күндө дагы бул ачык жана туура пикирлер.
Орточо эсеп менен социалдык жактан активдүү кыргызстандык айына 500 доллар табат. Анын жылдык кирешеси кармалып калган акчаларды жана айрым салттарды кошкондо нөлгө барабар. Ошентип ал карызга батып баштайт.
Эмнеге мындай болууда?
Себеби башкалардан жаман болууну каалабайт. Карызга алып жатасыңбы же каткан акчаң бар беле маанилүү эмес, эң башкысы башкалардан кем калбай телефон, унаа алуулары керек.
Бул рефлексти ар түрдүү товарларды саткандар жана кызматтарды сунуштагандар иштеп чыгышкан.
Мисалы унаа сатып алуу.
Кыргызстанда эски унаалар өтө көп.
Темир таштандыны кайдан гана алып келишпей эле.
Кыргызстанда эски унаанын баасы 2,5 миң доллардан башталат. Орточо эсеп менен унаанын кыймылдаткычынын көлөмү орточо болсо 50 доллар кетет. Техникалык кароого жылына 500 доллар же андан көп кетиши ыктымал. 2 жыл ичинде эски унааны алган адам дагы бир эси унаага жеткидей каражат коротот.
Жаңы унаа көбүнүн эле чөнтөгүнө чак келе бербейт. Бирок “понт” дешип унаалуу болгусу келгендердин саны ого эле көп.
Мен ата-энем менен турам. Досторум үйлөнүп ажырашканга жетишишти. Баарынын балдары бар. Мен үйгө акча топтоп жатам, себеби ата-энемден көз каранды болгум келбейт (бирок азыр алардан көз карандымын). Күзүндө үйлөнсөмбү деген оюм бар. 4 жылда 2 бөлмөлүү батир алганга каражат топтоп койдум. Насыя алгым келбейт. Ичпейм, чекпейм. Сүйлөшкөн кызым жок, бирок бирөөнү байкап жүрөм. Тоюма акчаны ата-энем берет.
Эмнеге айфон алдым? “Лох” болбоюн деп. Азыр карасаңар маршруткада жүргөндөрдүн баарында айфон бар. Бизде жылаңайлак жүрсөң да айфонуң болуш керек.
Учурда үстүңдө үйүң жок болсо дагы унааң анан кымбат баалуу телефонуң болуусу керек. Болбосо “понтсуз” сен “лохсуң”
Аскар Б.
