11-декабрда бүтүндөй өлкө аймагында жергиликтүү шайлоолор болот. Негизги партиялар талапкерлерин көрсөтүп, өздөрүнүн адамдарын бийлик органдарына орун талашууга даярдашууда. Анткен менен айрым партиялар – өздөрүнүн тарапташтарын таң калтырып – шайллого баруудан баш тартышты.
Октябрда Бишкек шаардык кеңешине талапкерлерди шайлоого көрсөтүүдөн баш тарта тургандыгын «Ата-Мекен» партиясы жарыялады. Жакында «Замандаш-Современник» партиясынын шайлоого катышпай тургандыгы тууралуу билдирүүсү чыкты.
Партиялык лидерлер өздөрүнүн саясый чечимдеринин себептерин айтышкан менен чыныгы себептер сыягы, экономикалык болушу мүмкүн: партиялардан негизги демөөрчүлөр жөн гана бурулуп кетишти.
Биз ар бир партиянын ийгилигинин негизи ураандар эмес экендигин билебиз (алар баардыгында бирдей: өлкөнүн гүлдөшү жана баардыгы менен ар биринин бактысы үчүн). Ийгиликтин негизи — партияны демөөрчүлөр тарабынан, демек, партияга катышуу аркылуу өз адамдарынын бийлик органдарына баруусуна мүмкүнчүлүк алгандарды экономикалык колдоо. Андан кийин мамлекеттик чечимдерге таасир берүү үчүн «ыңгайлуу» кызмат орундарына дайындоодо сүйлөшүү жана башка.
Дал ушул демөөрчүлөрдүн акчасына шайлоо компаниясы жүргүзүлөт, эл жана таасирдүү пикирлештерге жайыл дасторкондор жасалат, телевизор, радио жана газеталардагы жарнамалар төлөнөт. Бирок демөөрчүлөр – прагматикалык адамдар. Алар акчасын натыйжа алып келе турган гана иштерге жумшашат. Андыктан аларга кимдин туусу астында болбосун бакыт жана гүлдөө үчүн өзүнүн туугандарын жана өнөктөштөрүн мамлекеттик кызматтарга алып келүү гана кызыктырат.
Биз өткөн жылы — парламенттик шайлоолордун жыйынтыгынан кийин ким массалык добуштарды алууга реалдуу келечеги болсо, — Кыргызстандын таасирдүү жана бай адамдары келечеги жок саясый долбоорлорго акча коротуунун зарылчылыгы жок экендигин түшүнүштү. Сыягы, 2017-жылы, президенттик шайлоолордун алдында алар өз колдоосун бир гана күчтүү талапкерлерге топтой тургандыгы белгилүү болуп калды окшойт.
