200 миң доллар пара менен кармалган Башкы прокуратуранын кызматкери тергөө аягына чыкканга чейин камакта калат. Бул тууралуу Улуттук коопсуздук боюнча мамлекеттик комитеттин маалымат кызматы кабарлады.
21-апрелде пара алуу фактысы боюнча кармалган Башкы прокуратуранын Мамлекеттик айыптоолорду жана соттордо өкүлчүлүктөрдү колдоо боюнча башкармалыктын начальниги Улан Чалбаевдин баш коргоо чарасы каралды.
Ага Кылмыш-жаза кодексинин 313–1-беренеси (Пара алуу) боюнча айыбы угузулду.
Учурда тергөө жүрүп жатат.
