Кыргызстанга инвесторлор үчүн насыянын шарттары кеңейтилгенин эске алсак, актуалдуу тармак болуп жашыл экономика жана маалыматтык технологиялар саналат. Бул тууралуу бүгүн, 28-июнда “Жаңы Кыргызстан-2018” деп аталган эл аралык инвестициялык форум учурунда экономика министри Олег Панкратов билдирди.
“Учурда дүйнөлүк коомчулук ресурстук субъекттер үчүн ич ара күрөшүп жатканына күбө болуп жатабыз. Бул Европа өлкөлөрүнөн Борбордук Азияга инвестициялардын агылуусуна себеп болушу мүмкүн. Кыргызстанда 2015–2017-жылдардагы оор экономикалык абалдан өткөнүбүз инвесторлор үчүн маанилүү көрсөткүч болуп саналат”,-деди ал.
Айтымында, Кыргызстан санарип экономиканы киргизүү үчүн жогорку потенциалга ээ.
“Doing Business рейтингинде биз 75-орунда турабыз жана Кыргызстан инвестицияларга муктаж. Ата мекендик бизнес инвестицияларды тартуу менен потенциалын жогорулата алат”,-деди Панкратов.
Анын айтымында, мамлекет инвесторлорду туруктуу мыйзамдар менен камсыз кылып, алар саясий абалдан көз каранды болбошу керек.
“Экономиканын өнүгүүсүндө негизги нормативдик-укуктук документ бул инвестицияларды тартуу боюнча мыйзам”,-деди ал.
