№ 18–жобого ылайык, “Дөңгөлөктүү транспорттук каражаттардын коопсуздугу” боюнча Бажы биримдигинин техникалык регламентинин коопсуздук тууралуу күбөлүгүн алуу үчүн Ош шаарынын жана Ош облусунун тургундары «Автотехосмотр» ЖЧКсына кайрылуулары керек.
“Дөңгөлөктүү транспорттук каражаттардын коопсуздугу” боюнча Бажы биримдигинин техникалык регламентинин талаптарын аткаруу үчүн Экономика министрлиги КР Өкмөтүнүн 2016-жылдын 30-декабрындагы “Техникалык регламенттердин талаптарына шайкештикти баалоо (ырастоо) боюнча органдарга ыйгарым укуктарды берүү жөнүндө” токтомуна ылайык, «Автотехосмотр» жоопкерчилиги чектелген коомуна Кыргызстандан ЕАЭБге чыккан унаалардын талапты аткарып жаткандыгы боюнча текшерүү жүргүзүүгө укук берди.
«Автотехосмотр» ЖЧКсы текшерүүчү жабдууларга ээ жана кызматкерлери дагы бар, ошондой эле имаратынын абалы дагы талаптарга жооп берет. Документтер болсо бекитилген процедуралардын алкагында жүргүзүлүп, юридикалык жак статусуна ээ жана кызыкдар адамдардан көз каранды эмес.
Юридикалык дареги: Ош шаары, Мушкетов көчөсү, 4/1, негизги аймагы жайгашкан жер: Кара-Суу району, Кызыл- Кыштак айылы, Касымбеков көч 6.
