Ошто “Акылдуу шаар” долбоорунун алкагында 1500 видео камералар орнотулат. Бул тууралуу бүгүн, 19-январда Ош шаарынын мэриясында Кытайдын “Huawei” компаниясынын “Акылдуу шаар” долбоорун презентациялап жатканда айтылды.
Жыйынга Ош шаарынын мэри Айтмамат Кадырбаев, вице-мэрлер, шаардагы мекеме ишканалардын жетекчилери “Huawei” компаниясынын жумушчу тобу катышты.
Анда биринчи вице-мэр Замирбек Аскаров Ош шаарындагы көчөлөрдүн кесилишине 1,5 миңге жакын видеокөзөмөлдөөчү камералар орнотулаарын маалымдады. Ошондой эле, жер үстүнөн жана астынан 90 чакырым чубалгы тартылган.
“Huawei” компаниясынын өкүлдөрүнүн айтымында компания 30 жылдан бери иштейт. Бул убакыт ичинде Европа, Африка өлкөлөрүндө жана Душанбе шаарында да бир нече долбоорлорду ишке ашырып, тажрыйба топтошкон.
