Кыргызстандын аймагында 1 млн. сомдон ашык аткезчилик күрүч аныкталган. Бул тууралуу Экономикалык кылмыштуулукка каршы күрөшүү боюнча мамлекеттик кызматы билдирди.
Маалыматка ылайык, 6-июнда Ош шаарына кире бериште DAF- XF95/480 чет элдик маркадагы унаа токтотулган.
Унааны текшерүү учурунда эч кандай документи жок жалпы салмагы 23 тонна 400 кг болгон күрүч аныкталган.
Аныкталган аткезчилик күрүчтүн жалпы суммасы 1 млн. 251 миң сомду түзгөн.
Учурда кылмыш иши козголуп, териштирүү амалдары уланууда.
