Ош базарындагы чыккан өрттөн 118 соода түйүнү жана «Берекет» соода борборуна 10 соода жайы күйдү. Бул тууралуу Өзгөчө кырдаалдар министрлиги билдирди. Маалыматтарга ылайык, өрттүн жалпы аянты 3500 чарчы метрди түздү.
30-январда эртең менен «Ош» базарындагы «Сейтек» кичи базарында өрт чыккан.
Өрттү өчүрүүгө жалпы 12 унаа тартылып, саат 12:28де чектөөгө алынган. Кечки саат 18:29да толугу менен өчүрүлгөн. Жабыркагандар жок. Өрттүн келип чыгуу себеби жана келтирилген материалдык чыгымдар такталууда.
