Челябинск облусунун делегациясынын Кыргызстанга болон иш-cапарынын жыйынтыктары чыгарылды. Анда кыргыз жана түштүк урал ишкерлеринин кызматташуудагы сүйлөшүүлөрүнүн натыйжалары тууралуу кеп болду.
Бул сапардын башкы максаты – эл аралык кызматташууну өнүктүрүү болду. Ошондуктан Түштүк-Урал соода-өнөр-жай палатасынын Кыргыз Республикасынын соода-өнөр-жай палатасы менен биргеликте уюштурган бизнес форуму маанилүү иш-чаралардын бири болду. Түштүк-Урал соода-өнөр-жай палатасы өткөргөн презентациядан соң, алар кыргыз кесиптештери менен пикир алмашышты.
Урал-Сибирь өрт-техникалык компаниясы Челябинск облусунун жана губернатор Борис Дубровскийдин колдоосу менен Кыргыз Республикасына 180 даана атайын техника берүү боюнча келишимге кол коюу алдында турат.
Мындан сырткары учурда Кырызстана европа стандартындагы даяр күнөскана комплекстерин, анча чоң эмес дыйкан чарбалары үчүн тракторлорду алып келүү жана жыгачты иштетүүчү биргелешкен ишкана ачуу тууралуу маселелер талкууланууда.
Кыргызстанга болгон иш-сапардын алкагында түштүк-урал жана кыргыз компанияларынын ортосунда соода-экономикалык байланыштарды түзүүгө мүмкүн болду. Ошондой эле биргелешкен долбоорлорду Кыргызстандын жана Челябинск облусунун аймактарында ишке ашыруу мүмкүнчүлүү тууралуу сүйлөшүүлөр жүрдү”,-деди тышкы экономика борборунун жетекчиси Наталья Осипова.
