К.Жумаканов билдиргендей, жакында эле мекемеге бул компаниялардын сүтүнүн жана каймагынын сапатына нааразычылык арыздары келип түшкөнүн билдирди. Буга байланыштуу Ветеринардык жана фитосанитардык инспекциясы бул компаниялардын азыгын текшерүүнү күчөттү.
Бул жылы 175 млн сомго лаборатория курууга тендер жарыяланат. Тендерди Мамлекеттик курулуш өткөрөт.
Бул компаниялардын азыктары чындыгында эле сапаты жагынан алдыга чыга албайбы?
ЭКОНОМИКА ата мекендик колдонуучулар арасында сурамжылоо өткөрдү.
Айжан 27 жаш, үй кожейкеси:
Мен “Веселый молочник” сатып алам. Бир нече жолу “Үмүт” сүтүн сатып алсам сапаты өтө начар экен. Даамы да жаккан жок.
Касиет 33 жаш, экономист:
Мен “Үмүттүн” дагы “Аксүттүн” дагы азыгын сатып албайм. «Веселый молочник» алам, жакындан бери «Шоро» компаниясынын сүт азыктарын сатып ала баштадым.
Марина Игоревна 68 жаш, пенсионер:
Эң арзанын сатып алам. Үйүбүздүн алдына үйдүн сүтүн сатып келишет, ошону алам. Ал арзан дагы, даамдуу дагы.
Азат 18 жаш, студент:
Мен сүт ичпейм. Кээде йогурт алам, ал кайсы компанияныкы экенин деле билбейм. Кызыкпаптырмын.
Айнура 30 жаш, менеджер:
Мага “Үмүт” жагат. Алардын сүтү жакшы. Дайыма сатып алам.
5 адамдын бирөө гана “Үмүт” азыктарын сатып алат экен. Жада калса биздин жарандар бул азыкты тандашпаса, демек “Үмүттүн” жана “Аксүттүн” жетекчилери иштеши керек экен. Өзүбүздүн рынокту багындыра албасак, ЕАЭБдин миллиарддык рыногун кантип багынтабыз?
