Кыргызстанда мунайды кайра иштетүүчү сегиз заводдун бар экенине карабай, бүгүнкү күндө өлкөдө керек болгон мунайдын беш пайызы гана өндүрүлөт. Бул тууралуу экономика министрлигинин аймактар аралык башкармалыгынын башчысы Зайнидин Жумалиев билдирди.
Анын айтымында мунайды иштетүүчү заводдордун учурда толук кандуу иштебей жатканына чийки заттын жетишсиздиги себеп болууда. Тагыраак айтканда, Орусиядан экспорттолот делген чийки мунайзат тийиштүү көлөмдө келбей жатат. Буга Казакстан аркылуу өтүүчү куурлар боюнча сүйлөшүүнүн кечеңдеп жатканы себеп дешет адистер.
Маалым болгондой мунайды кайра иштетүү боюнча Токмокто, Кара-Балтада, Кочкор-Ата шаарында негизги чоң зводдор ишейт. Кара-Балтадагы «Жунда» жылына 800 миң тонна мунайды ишетип чыгууга мүмкүнчүлүгү бар. Бирок былтыр 200 миң тонна гана иштеп чыгарган. Анда күйүүчү май, дизель отуну жана газ чыгарылат. Ал эми Токмоктогу завод 200–300 миң тоннага ылайкташтырылган. Бирок сырьенун жоктугунан өткөн жылы 15 миң тонна мунайды өндүргөн. Кочкор-Атада болсо 100 миң тоннага чейин нефтини өндүрөт.
Кыргызстан импорттун эсебинен мунайзаттардын керек болгон көлөмүнүн 95 пайызын камсыз кылат. Анын 80%ы Орусияга таандык. Ал жактан чийки затка караганда, даяр даяр өндүрүлгөн күйүүчү майлар көп келет.
