Орусиянын экономика министрлиги 2018-жылдын 1-январынан тарта зер буюмдарды онлайн сатууга болгон тыюу салууну алып салууну пландап жатканын мекемеден билдиришти.
“Зер буюмдарды сатууга байланышкан мыйзам актыларын азыр Финансы министрлиги, Федералдык салык кызматы жана башка мекемелер менен макулдашып жатабыз. Өтө чоң келишпестиктер деле жок, жөн гана талкуу болууда. Кийинки жылдан тарта күчүнө кирет деп ойлоп жатам”,-деди Фомичев.
Маалыматка ылайык, тиешелүү нормативдик-укуктук актылардын долбоорлору ведомстволор аралык макулдашууга жөнөтүлдү.
2016-жылы Орусиянын Экономика министрлиги дистанттык соодага коюлган чектөөнү алууну сунуш кылган. Ага ылайык, алкоголь, тамеки, дарыларды, медициналык каражаттарды жана айрым азыктарды дистанттык сатууга туюу салуу алынат. Фомичев билдиргендей, буга байланыштуу интернет сатууларга чектөөнү алуу, өзгөчө дарыга келгенде маркировка системасы ишке киргенден кийин гана болот. Ал эми алкоголго жана тамекиге байланыштуу “даяр чечимдер” жок.
Чектөөнү алуу өнөктөш өлкөлөргө ачык соода жүргүзүүгө жол ачат. Бул фармацевтика тармагында абдан маанилүү. Себеби Кыргызстанга дарылар чыгарылган баасынан өтө жогору баада алынып келинүүдө.
