Кыргызстандан жана Казакстандан барган 34,352 тонна өнүмдү Новосибирск облусунун инспекторлору «Карасук» көзөмөл өткөрүү пунктунан 2018-жылдын январь айынын башында кайра артка кайтарышты. Өнүм унаа менен Новосибирск жана Кемерового ташылып бара жаткан.
Фитосанитардык текшерүү жүргүзүү учурунда 10,352 тонна казак помидору жана 4 тонна кыргыз жаңгагы фитосанитардык жактан коопсуз экенин тастыктаган документсиз ташылып бара жатканы белгилүү болгон.
Ал эми Казакстандын 20 тонна помидору маркировкасыз, жемиштин аталышы жок жана кайсы өлкөнүкү экени жазылбай ташылып бара жаткан.
Карантин мыйзамына ылайык, фитосанитардык жактан кооптуу деп саналган өнүмдөрдү Орусияга ташууга тыюу салынган. Жүктөрдүн баары Кыргызстанга жана Казакстанга артка кайтарылган.
