КРнын президенти А.Атамбаев менен РФнын президенти В.Путиндин жолугушуусунда бир топ сүйлөшүүлөр болду.
Орусия бөлгөн гранттардын суммасы 225 млн доллар болду. Владимир Путин Ала-Арча резиденциясында болгон жолугушууда Кыргызстандын мамлекеттик карызын акырындан кечерин билдирди.
“Бул өлкөнүн финансы системасына келтирилген оорчулукту азайтат”,-деди ал.
Ошондой эле РФнын башчысы 2016-жылдан бери Кыргызстанга Бажы салыгысыз мунай заттары ташылып жатканын, бул схемалар боюнча 1 млн тоннадан ашуун мунай заттар алынып келингенин эске салды.
Мындан сырткары Владимир Путин Кыргызстанды 2030-жылга чейин газ менен камсыз кылуунун башкы планына ылайык, «Газпром» компаниясы масштабдуу иштерди жүргүзүп жатканын белгиледи.
Кыргызстандын газтранспорттук тармагына салынчу инвестициянын жалпы көлөмү 100 млрд рубль же 1,7 млрд доллар.
Кыргызстанды газ менен камсыз кылуу бүгүн 22% болсо башкы планга ылайык ал 60%га жогорулайт.
Бул өлкөнүн бардык аймактарына Орусиянын көгүлтүр газы жеткирилет дегендик. Азыртадан эле өлкөнүн бир нече аймактарында газ түтүктөрүн орнотуу боюнча масштабдуу иштер жүрүүдө.
