Бул планды ишке ашыруунун алкагында Кыргызстанды газ менен камсыз кылуу 22 пайыздан 60 пайызга өсөт.
Газпром Кыргызстандын бардык активдерин, анын ичинде газ түтүктөрүн, бөлүштүрүүчү станцияларды, газды жер алдында сактоочу жайларды ж.б. алды.
Аны менен катар эле Газпром Кыргызстандын газ инфраструктурасын модернизациялоого 5 жыл ичинде 20 млрд рублдан аз эмес каражат салмакчы болгон.
2016-жылы Газпром 2,1 миңге жакын үйдү каз менен камсыз кылган, 2017-жылга коюлган план 20 миң турак-жай болчу.
Инвестициялардын көлөмү 20 млрд рублдан 34 млрд рублга чейин көбөйөт.
Мындан сырткары Кыргызстанга нефть өнүмдөрүн салыксыз ташууга уруксат берилген. 2016-жылы 1 млн тоннадан ашуун мунай ташылып келинген.
Буга чейин айтылган маалыматтарда мунай заттарын салыксыз ташуудан Орусиянын бюджети 1 млрд доллар жоготот.
Ошондой эле келишим Евразиялык биримдикте интеграциялык процесстерге көмөкчү болот.
Кыргызстан соода-экономикалык жактан Орусиянын маанилүү өнөктөшү жана 2016-жылы эки өлкө ортосундагы сооданын көлөмү 1,2 млрд долларды түзгөн.
Колдоо газ менен камсыз кылуу жана мунайды салыксыз ташуу менен гана чектелип калбайт.
Орусия Кыргызстандын өнөр-жайын 2017–2020-жылдары туруктуу өнүктүрүү үчүн 500 миң доллар бөлгөн.
Жалпысынан алганда Орусия Кыргызстандын экономикасын кайра курууга жардам берүүдө.
Ал үчүн кыргыз-орус өнүктүрүү фонду бар, ага Орусия 500 млн доллар бөлгөн.
Мындан сырткары Кыргызстандын бюджетин турукташтыруу үчүн жалпы суммасы 224 млн доллар грант бөлүнгөн.
Аны менен катар эле Орусия Кыргызстандын мамлекеттик карызын кечүүдө.
