Ага Армениянын, Беларусиянын, Казакстандын, Кыргызстандын жана Орусиянын өкүлдөрү жана ЕЭКтин төрагасы Тигран Саркисян, ЕЭКтин коллегиясынын мүчөлөрү (министрлер) катышышты.
Евразиялык экономикалык комиссиянын (ЕЭК) кеңешинин жыйынынын натыйжасында бир катар маанилүү документтер жактырылды.
ЕАЭБге мүчө мамлекеттердин 2017–2018-жылдарга карата макроэкономикалык саясаттын негизги багыттарын ишке ашыруу боюнча иш-чаралардын тизмеси бекитилди.
Биримдикке мүчө өлкөлөр негизги 4 багыт боюнча иштейт.
–Макроэкономикалык абалды жакшыртуу;
–Шарттарды түзүү;
Бизнестин өнүгүүсүнө багытталган инвестициялардын жана негизги капиталдыг өсүүсү;
–Биримдикке мүчө өлкөлөрдөгү кайра иштетүүчү өндүруштөрдү жана инновациялык ишканаларды, чийки затты экспорттоону өнүктүрүү.
ЕАЭБде ага мүчө өлкөлөр бири бири менен эсептешүүдө улуттук валюталарын колдоно алышат жана инфляцияны таргеттөө режимине өтүү каралды. Мунун баары Биримдиктин экономикасында тармактык кайра курууну өткөрүүнү тездетет.
ЕЭКтин кеңеши техникалык жөнгө салуу тармагында бир катар чечимдерди кабыл алды.
ЕАЭБдин “Жарылуу коркунучу бар тармактардагы жабдуулардын коопсуздугу” тууралуу техникалык регламенти кабелдик өнүмдөргө, электр жабдууларына, шахталарга байланыштуу талаптар менен толукталат. Техникалык регламенттин таасири жер астындагы кабелдик өнүмдөргө тиешелүү болот.
ЕЭК кеңеши “Дандын коопсуздугу” тууралуу техникалык регламенттин 2-тиркемесине өзгөртүүлөрдү киргизүү чечимин кабыл алды. Ага ылайык, күн карама дандарынын курамында кадмийдин болуусу 0,1 мг/кгдан0.2 мг/кгга жогорулатылды.
ЕЭКтин Кеңешинин бул чечими 2017-жылдын 1-сентябрынан тартып күчүнө кирген жана “Балыктын жана балык продукциясынын коопсуздугу жөнүндө” (ТР ЕАЭС 040⁄2016) ЕАЭБдин техникалык регламентинин кабыл алынганына байланыштуу даярдалган жана бирдиктүү форма боюнча декларацияга тиешелүүлүгү жөнүндө жана берилген сертификатка тиешелүүлүгү милдеттүү көрсөтүлүүчү продукцияларга кирген Продукциялардын Бирдиктүү тизмесинин 22-бөлүгүн (“Даяр тамак-аш азыктары. Балыктан жасалган азык түлүктөр”) чыгарып салууну карайт.
СБ 11:05 ЕЭКтин кеңеши ЕАЭБ өлкөлөрүндө үчүнчү өлкөлөр менен соода жүргүзүүдөгү техникалык тоскоолдуктарды жоюу тууралуу Келишимди даярдоо чечимин кабыл алды.
ЕАЭБ менен соода кылууга кызыкдар болгон өлкөлөр менен келишим түзүү каралган.
Ага 2018-жылдын башында кол коюлары пландалууда.
ЕЭК кеңеши бажы өкүлү күбөлүгүн алуу үчүн төлөмдөрүн ченемин бекитти. Бажы операцияларында катышкан үчүнчү жактар, ортомчу компаниялар милдеттерин аткаруулары үчүн 500 миң евро өлчөмүндө каражатын көрсөтүүгө милдеттүү болушат.
Эске сала кетсек, учурда бажы өкүлүнүн күбөлүгүн алчулар бажы, салык төлөмдөрүн төлөөнү камсыз кылуусу керек жана ал үчүн камсыз кылуу суммасы 1 млн еврону түзөт. Кабыл алынган чечим 2018-жылдын 2-январынан тарта жаңы кодекс ишке киргенден баштап бажы өкүлдөрүнүн чыгымдарын 2 эсеге кыскартат.
