Январ айында кыргызстандыктардын орточо айлык акысы 14 миң 629 сомго жетип, өсүү 6.3 пайызды түздү. Бул тууралуу Улуттук статистикалык комитеттин материалдарында айтылат.
Маалыматка ылайык, өткөн жылдын ушул айларына салыштырмалуу дүң жана чекене соода жүгүрткөн уюмдарды, унааларды оңлогон жайларды кошпогондо, экономикалык ишмердүүлүктүн бардык түрлөрү боюнча ишкана жана уюмдарда орточо айлык акынын өсүш темпи жогорулаган.
Белгилүү болгондой, курулуш тармагында өсүш 31,7%га жогорулаганы байкалган. Ошондой эле, өсүш башка тейлөө кызматтарында 20,7%, кесиптик, илимий жана техникалык ишмердүүлүкттө 18,5%, транспорт жана жүктөрдү сактоо тармагында 12, 1%, кыймылсыз мүлк боюнча операция иштеринде 10,8%, ошондой эле пайдалуу кендерди казып алууда 10 пайызга өскөн.
