Бирдиктүү электрондук текшерүү системасы оор жүк ташуучу унаалардын салмагын текшерүүчү түйүндөрдө 19-декабрда ишке киргизилген.
Мындай түйүндөрдө жүк ташуучу унаалар автоматтык түрдө таразага тартылып, видеокөзөмөл болсо унаанын номерин, өзүн тартып калат жана ал маалыматтар тиешелүү органдарга жиберилет.
Бул система коррупцияны алдын алуу үчүн киргизилген. Себеби компьютерди алдоого болбойт жана ал баардык маалыматтарды өз учурунда жана так алууга жөндөмдүү.
Сервердеги сакталган маалыматтарды өзгөртүү үчүн атайын кирүүгө мүмкүнчүлүк алуу керек, бирок маалыматты өзгөрткөн күндө дагы эски маалыматтар өчүрүлбөстөн сакталып калат. Бул электрондук транспорттук Викиликс десек болот.
Баса, серверди хакерлер оңой талкалай алышпайт, себеби жабдууга кирүүгө аракет кылгандарга айыппул миң эсе көп болот.
Биздин оор жүк ташуучулар мындан алыс деп ойлойбуз жана айыппулдар оор жүк ташуучу компанияларды көбүрөөк тынчсыздандырса керек.
Текшерүүчү бардык түйүндөр Бирдиктүү электрондук текшерүү системасына бириктирилип, эрежени бузган унаа тууралуу маалыматтар бардык түйүндөрдө болот.
Текшерүүчү түйүндөрдөн өткө оор жүк ташуучу унаалар тууралуу маалыматтарды Транспорт министрлигине караштуу Жүк салмакты ченөөчү департаментинен алса болот.
Кийинки кадам бирдиктүү электрондук текшерүү системасына башка мамлекеттик органдар – Мамлекеттик каттоо кызматы жана Ички иштер министрлиги менен бириктирүү.
Кичинекей кадамдар менен болсо дагы Кыргызстан маалыматтарды электрондоштурууга өтүп, жаңы технологиялар менен иштөөнү үйрөнүүдө. Бул система түшүмүн качан бере баштары жакынкы убакта белгилүү болот, ал эми айдоочулар болсо эрежелерди бузбаганга аракет кылуулары керек.
