Онлайн-кызматтардын жана онлайн-дүкөндөрдүн көбөйгөнүнө байланыштуу Кыргызстанда чет жактан келген посылкалардын саны өсүүдө. Тактап айтканда, көбүнесе Россиядан, Кытайдан, АКШдан, Германиядан келген посылкалар көп экенин КРнын Мамлекеттик каттоо кызматы билдирди.
2017-жылы келген посылкалардын саны (майда баштыктар) 170 миң 432 болуп, 2016-жылга салыштырмалуу 131 посылкага көп болгон (110 миң 301).
«Кыргыз почтасы» мамлекеттик ишканасынын маалыматына ылайык, жөнөтүлгөн буюмдардын салмагы 78 тоннаны түзгөн, 2016-жылы бул көрсөткүч 61 тонна болгон. Ошондой эле 2017-жылы Мамлекеттик каттоо кызматы электрондук коммерция боюнча 4 пилоттук борбор ачкан, ал жерлер аркылуу каалоочулар дүйнөлүк интернет-айдыңдардан буйрутма берүүнү үйрөнө алышат.
Бул долбоордун максаты – калкты онлайн-дүкөндөрдөн тез жана коопсуз, ошондой эле ашыкча төлөмү жок сатып алууларга үйрөтүү. Адистер үйдөн чыкпай, өз алдынча товар буйрутма берүүнү үйрөтүшкөн. Бул долбоор биринчи жолу ишке ашып жатат.
