Орусиядагы акыркы окуялар Орто Азиядан келген эмгек мигранттар менен болгон мамилени катаалдаштырат өңдөнөт.
Ансыз деле эмгек мигранттарын дайыма ойлондуруп турган өзгөртүүлөр да бар. Акыркы өзгөртүүлөрдүн бири эмгек мигрантынын жанында дайыма каттоосу тууралуу маалымат болуусу керек. Анын патенти барбы же жокпу мааниге ээ эмес. Жада калса чет элдик жаран патент үчүн салык төлөгөн болсо дагы тез арада (башкача айтканда 3 күн ичинде) каттоого турушу керек.
Эмгек мигрантынын каттоосун жумушунан узартууга мүмкүнчүлүгү бар. Ал үчүн жумуш берүүчү бирдиктүү миграциялык борборго же ИИМге компаниясынын ээси экендиги тууралуу документи менен жана чет элдик жаран келгени тууралуу толтурулган бланканы алып баруусу керек.
Экинчи жолу – эмгек мигранты жашаган дарек боюнча каттоого туруу. Бул үчүн батирдин ээси райондогу ИИМге (мурунку ФМС) батирге тиешелүү бардык документтери жана мигрант келгендиги тууралуу документ менен кайрылуусу кажет.
Эмгек мигранттарын жумушунда дагы жашаган батиринде дагы каттоого тургузгусу келбеген учурлар кездешет, ал учурда мигрант барат дагы тааныштары аркылуу тапкан ишенимдүү эмес жайлардан каттоо жасатышат.
Документтерди мыйзамдуу жол менен гана даярдоо керек. Эгерде мигрант документтерди ырастоодо кандайдыр бир кыйынчылыктарга туш келсе анда бекер кеңеш алуу үчүн кайрылуусу керек.
