Буга чейин ИДПда өсүш болот деген Эл аралык валюта фонду Казакстан менен болгон чек ара көйгөйлөрүнөн улам Кыргызстандын экономикасында өсүш болот деп кубанта албайт.
Бул тууралуу маалымат жыйынында Эл аралык валюта фондунун Кыргызстандагы миссиясынын башчысы Жемал Эдвард Джемайель билдирди.
Айтымында, финансылык институт Кыргызстандын экономикасынын өсүүсү 2017-жылдын жыйынтыгы менен 3,2 пайыз болот деп божомолдойт. Кыргыз-казак чек арамындагы окуялардан кийин божомол 0,3 пайызга төмөндөгөн.
“Чек арадагы көйгөйлөргө байланыштуу жана эки өлкөнүн соода темпи жайлап кеткендиктен өсүү тууралуу божомолдор төмөндөп кетти. Эмдиги жылы ИДПнын өсүүсү болжол менен 3,3 пайыз болот деп болжолдоп жатабыз. Кыргыз-казак чек ара маселеси үстүбүздөгү жылдын аягында чечилет деп ойлойбуз. Эгерде андай болбосо биздин божомолдорубузду карап чыгабыз”,-деди Джемайель.
Башкача айтканда, эгерде абал жөнгө салынбаса ИДПнын көрсөткүчтөрү төмөндөй бермекчи.
Азырынча Кыргызстанда инфляция көзөмөлдө.2017-жылдын акырына чейин 3 % болуп 2018-жылы 5,5 % болушу мүмкүн. Инфляция Кыргызстандын Улуттук банкы койгон чекке жакын бойдон калат.
