ЖКнын төрагасынын алдындагы бизнести жана ишкерликти өнүктүрүү боюнча катчылыгынын жетекчиси Умбриэль Темиралиев “Жашыл экономиканы каржылоо: Учурда Монголиянын ийгилигин кайталаса болобу” деп аталган тегерек стол учурунда өз пикирин билдирди.
“Принциптер социалдык жоопкерчиликти жана жаратылышты коргоо үчүн каржылоону өз ичине камтыйт. Он төрт монголиялык банктар чогулуп резолюция кабыл алышкан дагы, кардарлары курчап турган айланага зыян келтирбей элеби текшерип турушкан. Кышында Монголиядагылар маскаларды кийип жүрүшөт, себеби үйлөрүн көмүр менен жылытышат. Кыргызстандагыдай эле Монголияда дагы экономиканы өзгөртүүдө эффективдүү курал банк болуп саналат, себеби каржылоонун башка булактары жок. Жашыл каржылоо боюнча монгол фонду түзүлгөн жана акчалар чакан жана орто бизнеске бөлүнөт”,-деди ал.
Банктардын каржылоосу менен Монголия 328 млн доллар үнөмдөп калган. Мындан кийин банктар таштандыны иштетип чыгууга каражат бөлүүгө даяр.
Бул максаттуу пайдалануу үчүн абдан жакшы мисал жана банк тармагынын, өлкө экономикасынын өнүгүүсүнө жакшы жардам берет.
Банктар биримдигинин жетекчиси Анвар Абдраев банк тармагы жашыл экономика идеясына колдоо көрсөтүп, бул боюнча иш алпаргандар болсо каржыласа болорун билдирет. Бизде жашыл экономика боюнча иш алпаргандар бар. Бир ай мурун ЭКОНОМИКА ата мекендик экономисттердин Кыргызстанды 2025-жылга чейин туруктуу өнүктүрүү стратегиясынын алкагында “жашыл экономиканы” киргизүү тууралуу сунушун жарыялаган болчу.
“Бишкектеги экологиялык абал начар. Коомчулук бул абалдан өзү чыгууга аракет кылып жатат. Ысык-Көл облусунда, тактап айтканда, Бостери, Комсомол айылдарында жана Чолпон-Ата шаарында абал өтө кооптуу. Кыргызстанда 8 каржы институту бар, 4 жылда 22 млн доллар өздөштүрүлдү, кезекте дагы 35 млн доллар бар – бул сандар өтө олуттуу. Жашыл экономика боюнча Монголиянын тажрыйбасын үйрөнүүбүз керек деп ойлойм”,-деди Абдраев.
Эгерде биздин банктар убакыттын жаңы чакырыгына жооп берип, аны колдоого даяр болсо бул абдан жакшы. Аны менен банктар Кыргызстандагы экономикалык маданиятты түзүүчүлөрдүн катарын толуктамак.
