13-февралда ЖКнын Транспорт, коммуникациялар, архитектура жана курулуш боюнча комитетинин жыйынында “Унаа жолдору тууралуу Кыргыз Республикасынын мыйзамына өзгөртүүлөрдү киргизүү” тууралуу мыйзам экиничи окууда каралды.
Транспорт жана жол министри Жамшитбек Калилов мыйзам долбоору өлкөнүн жол тармагын Евразия экономикалык бирлигинин талаптарына, анын ичинде Бажы Бирлигинин “Автомобиль жолдорунун коопсуздугу жөнүндө” техникалык регламентине шайкеш келтирүү максатында иштелип чыкканын билдирди.
Калилов белгилегендей, 1-категориядагы жолдорго Бишкек-аэропорт «Манас» жолу, 2-категорияга Түндүк-Түштүк альтернативдик жолу кирет. Министр 2015-жылдан тарта баардык жолдорго уруксат берилген салмактык чек 11,5 тоннадан ашпашы керектигин белгиледи.
Калилов Түндүк-Түштүк жолунун курулушуна дагы көңүл бурду. “1-фазада 65 пайыз иштер аткарылды, 2-фазада 40–45 пайыз. Бул фазалар боюнча каржылоо Кытайдын “Эксим банкы” аркылуу болууда”,-деди ал.
Тоннель тууралуу сөз кылып жатып министр пландан артта калып жатышканын, бирок тоннель иштерин бүтүрүү келерки жылдын акырында болорун белгиледи.
