Орусиянын миграциялык стратегиясы кайра каралышы мүмкүн. Алексей Кудриндин командасы өз сунушун киргизди. Команда тарабынан берилген негизги демилге – 2025-жылга чейин миграциялык стратегия иштеп чыгуу. Өздөрүнүн варианты катары алар миграциялык кодекс жана бирдиктүү жарандык миграциялык ведомство түзүүнү, Германия менен Израиль мамлекеттериникине окшош репатриация тууралуу мыйзамдары иштеп чыгууну, убактылуу келген мигранттарга тил боюнча тест тапшыруудан бошотууну сунушташууда.
Бул үчүн Орусия эксперттер аткаминерлер менен биригишип миграция маселесин чечүү жолдорун кароолору зарыл.
Бардык үч варианттардын баарында тобокелчиликтер бар.
Инерциялык вариантта миграциялык конъюнктуранын өзгөрүүсүнө мамлекет сөзсүз түрдө реакция кылуусу керек, миграциянын алдындагы жаңы тоскоолдуктар, коррупциялык институттардын өнүгүүсү дайыма көңүл буруп турууну талап кылат.
“Тыюу салуучу” стратегия экономикалык жактан эффективдүү эмес, анда легалдуу эмес миграция өсүп, КМШдагы таасирин жоготот.
Талкууга коюлган вариант – миграциянын баарын максималдуу түрдө каттоого алуу, КМШ өлкөлөрү менен визасыз режимди сактоо, эмгек мигранттарын кесиптик жактан окутуу. Эксперттер убактылуу келген мигранттарга тил боюнча тест тапшырууну жоюу керек деп санашат. Эгерде алар дайыма жашай турган болсо жана жарандык алышса тил боюнча сынакка киришсе болот.
