Иш таштаган маршруттук таксилердин айдоочуларына чара көрүү керек. Бул тууралуу Жогорку Кеңештин КСДП фракциясынын депутаты Ирина Карамашкина айтып чыкты.
Анын айтуусунда, айдоочулар эч кандай эскертүүсүз эле коомдук транспорттун ишин токтотушту. Мыйзамсыз митингдерди милиция көзөмөлдөшү керек эле, бирок милиция да аракет кылган жок.
Эл өкүлү ошондой эле, иш таштоону демилгелегендерди аныктап, ошол фирманын лицензиясын алып коюу керектигин билдирди.
Эске салсак, 2-апрелде Бишкек шаарында кичи автобустардын айдоочулары иш таштаган. Алар жүргүнчүлөрдү камсыздандырууну жокко чыгарууну талап кылышты.
