Кыргыз Республикасынын Соода өнөр-жай палатасынын президенти Марат Шаршекеев Мексиканын ыйгарым укуктуу элчиси Alfonso Zegbe менен жолугушту.
Бул мексикалык элчинин Кыргызстанга болгон биринчи иш-сапары. Alfonso Zegbe Мексика аркылуу Японияны Кытай менен байланыштырып турган Улуу Жибек Жолу өтөрүн билдирди.
“Учурда Мексика экономикалык өнүгүү боюнча дүйнөдө 13-орунда турат. Жыл сайын биздин өлкөгө 6 миллион туристтер келет жана кыргызстандыктарга Мексиканы көрүп кетүүгө чакырмакчымын. Бизде жеңилдетилген виза режими бар. Биз Шенген жана Америка визалары бар туристтерди кабыл алабыз. Жакында Түркия менен аба жолдору боюнча маселе жөнгө салынат, ал жактан Мексикага 14 саатта учуп барса болот”,-деди дипломат.
КРнын Соода өнөр-жай палатасынын жетекчиси Марат Шаршекеев сүйлөшүүлөрдүн жүрүшүндө Кыргызстандан туристтик багытта башка өлкөлөргө динамикалуу түрдө өнүгүп жатканын, бирок көпчүлүк Мексикага баруу мүмкүнчүлүгүн карашпаганын билдирди. Себеби бул өлкөгө баруу өтө көп убакытты талап кылат. Ошондой эле ал Стамбул аркылуу авиакаттам ачылса Кыргызстандын6 жарандарынын Мексикага баруу кызыгуусу артарын кошумчалады.
