Агробизнес-багбанчылык менен алектенүү кирешелүү тармак экенин фермер Манас Саматов жазып чыкты.
«Кирешелүү агробизнес — багбанчылыктын заманбап технологияларын эл арасына кенен жайылтуу менен сыртта жүргөн мигранттарыбызды үйлөрүнө кайтып келип татыктуу, таттуу турмуш кечиришине чоң жол ачып берсек болот, буйурса. Кыргызда азыркы 1 млн өздөштүрүлгөн жерлерибизге кошумча дагы 1 млн такыр пайдаланылбай келе жаткан тоо этектерин жана дың жерлерди мөмөлүү бактарга айландырса болоруна биздин көзүбүз жетет — баардык жактан иликтеп, үйрөнүп чыктык. Ошондуктан элге мындай мүмкүнчүлүктөрдүн бар экендигин иш жүзүндө жасап көрсөтүш ниети менен үлгүлүү бак тигүүнү өз алдыбызга максат кылып койдук. Биздин демилгени колдоп биздин жардамыбыз менен өзүңүздөр да мөмөлүү бак тигүүгө өтүңүздөр. Мисалы интесивдүү алма бак 1 гектар жерден 40…80 тонна түшүм бериши мүмкүн. Орточо ушундай эле түшүмдүүлүккө ээ болгон кант кызылчасынын баасы 3 сом 20 тыйын болсо, алманын түшүмүн бери дегенде эле орточо 30 сомдон дүңүнөн саткандагы натыйжаны өзүңүз эсептеп көрүңүз… Кутман таң, ойгон Кыргыз элим! Люблин, Польша»- Facebook баракчасына фермер Манас Саматов жазды.
