Бул иштер Кыргыз Республикасынын 2015–2017-жылдардагы коррупцияга каршы күрөшүү саясаты мамлекеттик стратегиясынын алкагында жүргүзүлдү.
Башка ведомстволордун отчетторун карасак Мамлекеттик мүлк фонду ишти кечигүү менен жүргүзүүдө. 2 жыл ичинде Мамлекеттик мүлк фондунун ишине жөн гана анализ жүргүзүлүп, баа берилген.
Жумуш өтө созулуп кеткен жокпу?
Стратегия 2015–2017-жылдарга пландалган, ал эми анализ 2017-жылга жакын жүргүзүлгөн.
Мындай кечигүү кантип түшүндүрүлөт?
Балким Мамлекеттик мүлк фонду коррупциялык коркунучтар алдында туруп көп убакытты талап кылгандыр. Же эксперттик топ Маммүлк фондунун ишин анализдөөдө жаңылышып калдыбы?
Бирок негизги себеп Мамлекеттик мүлк фондундагы кадрлардын дайыма алмашып туруусуна барып такалат.
Жалпылап айтканда дайыма текшерүү жана ызы-чуу болуп тургандыктан коррупцияга каршы күрөшүү саясаты мамлекеттик стратегиясы менен иштөөгө убакыт болгон эмес.
2017-жылы Президенттик шайлоо болорун эске алып Мамлекеттик мүлк фонду бийликтеги жана оппозициядагы саясий күчтөрдүн көз алдында болот десек жаңылышпайбыз. Ошондуктан коррупцияга каршы күрөшүү саясаты мамлекеттик стратегиясы боюнча иштөө дагы күмөн жаратат.
Эми эптеп иш алпарышты деген белги үчүн бизге отчет бериши мүмкүн, бирок иш жүзүндө бир нерсе өзгөрөрүнө көз жетпейт.
